Se wiene oer de brêge kommen
mei de spoartrein út Parys
lykas moderne hearen paste,
op ‘e Seine gie it om de priis,
mei ’t iten waard har dei ferromme.

Elk wie in master yn it roeien,
mar it moast wol tagelyk
lykas it mei de riemen paste,
op ‘e Seine fielden se har ryk,
nei ’t drinken soe de holle gloeie.

De dames sieten by de hearen,
ek Aline Charigot**,
in naaister, oars as dames paste,
lykas hynders by in bûnte ko,
dochs soe Aline’s lot ea  keare.

* Pierre-Auguste Renoir (1841-1919)
Skilderij ‘De lunch fan de roeiers’

** Aline Charigot, links op ‘e foargrûn,
is yn 1890 mei Renoir troud