Bleate dream

admin

november 12, 2016

Bleate dream

fan Miguel Tió*

Se binne útklaaid troch de wrâld,
want alles moast op ’t lêst globaal,
dat tin wie ’t oerflak fan ’t bestean
mei striid as har fertsjinne lean,
it waard op ierde yslik kâld.

Lykas beskreaun yn it ferhaal
dat spile yn it iepen fjild,
wie frede harren hoop en treast,
it slomjend Bern it aldermeast,
elk dreamde yn syn eigen taal.

En doe’t it folk de djipte socht,
de dream fan frede waard massaal,
kaam ’t fjoer yn ’t neakene bestean…
de hichte is om yn te gean
en boppe har ferriist it ljocht.

* Skilderij ‘Peace… peace… peace’

Mystearjes Oarlochsbargen