Dat rút mei ’t krús,
dêr falt it ljocht noch troch,
fan bûten-binnen,
syn bestean fan binnen-bûten,
oeral wie syn thús,
hy libbet noch.

De holle draait
nei ’t krús, beweging noch
fan binnen-bûten,
dan fan bûten wei nei binnen
sjen, it libben seit
noch wat, want sjoch:

Dêr stiet er mei
in bûgde rêch op snein
sa tusken neisten
wylst de fiersten ryklik ite,
’t lei net op syn wei,
dêr wie ’t mei sein.

* Jozef Cantré (1890-1957)
wie in Belgyske keunstner.
Houtfyk ‘De boer dy’t stjert’

* Emile Claus (1849-1925)
wie in Belgyske skilder.
Skilderij ‘De picknick’