Dêr leit er suver neaken op
it gers, noch jong en dan al faun,
natuerlik is syn libben;
mei it read op pyl en kop
is hy de fjildgod en de clown,
model foar elk oan him besibbe.

En fierderop leit hy, syn maat,
foaroer yn ’t neaken op in stien
te sjen, it kin net misse:
’t is syn lichem en syn aard
as god, mei ’t byld foar altyd ien,
’t natuerlik libben fan Narcissus.

* Magnus Enckell (1870-1925),
in Finske keunstner,
kin beskôge wurde as de liedsman
fan de koloristyske skilders.