Syn mem, mei hannen ûnder ’t bloed,
mocht ek net op syn netflues bliuwe,
langút lei er mei beswierre moed,
foar efkes mar, hy liet him fierder driuwe.

Mei drank en seks wie hy ferguld
en lôgjend fjoer yn Romes strjitten,
wa’t mar kristen wie, kriich doe de skuld,
de wrede dea hat fan har lijen witten.

Hy wie net âld doe’t er de dolk
stiek yn syn eigen kiel, ’t soe liede
ta de dea en freugde foar it folk,
want gaos wie ’t gefolch fan Nero’s dieden.

* J.W. Waterhouse (1849-1917)
Skilderij ‘De wroeging fan Nero nei de moard op syn mem’

* Fergulde brûnzen byld fan keizer Nero (23-30 nei Kristus)