Fyts foar pils

admin

november 1, 2016

Fyts foar pils

De wike kin net sûnder swit,
want wurkje sil men foar de kost,
dat freget ek it kabinet,
ús Heineken moat net fallyt en lit
ek liberalen op har post.

It wykein rint de flesse oer,
de pils streamt troch de Snitser grêft,
want elk drinkt neffens rjocht en wet,
wat folge wurdt troch strakke striel en boer,
it frije libben hoecht net sêft.

De wurkers rinne har yn ’t swit,
de ynset is wiswier net lyts
foar drinkers en it kabinet
dat driuwt op lege flessen, mar sjoch dit:
it lean foar wurkers is in fyts.