Swiere fracht

admin

november 1, 2016

Swiere fracht

It wetter jout syn rykdom net fergees,
it kostet swit en slacht mei kjeld,
smyt net it measte op,
is foar de ien in flop,
de oar besjocht it as in feest.

Foar swarten wie de slavewente wyt
as sâlt, dat wûn waard út ‘e see
mei tsjinsin en sâlt swit,
oerdei wie ’t skroeiend hjit,
nachts dreamden se har frij fan flyt.

In tintsje yn de winter foar ien nacht
stie oan de igge fan de poel
foar him dy’t fisknocht hie
en dreamde dat it gie
om ’t fangen fan in swiere fracht.