Frysk Manhattan

admin

oktober 27, 2016

Frysk Manhattan

New York, de stêd fan ’t eigen folk
dat foer oer see en oseaan
mei yn it bloed it lôgjend fjoer,
’t wie earst in doarp, it hold net oer,
mar klimmend rikt it oant de wolk.

Manhattan hat it yn it hert
om stribjend hegerop te gean,
mar eaget men it wetter oer,
dan stekt ek Fryslân heech de kloer:
in twilling is op ierde set.

De Jouwer is yn wiffe steat,
want sliepe docht gjin terrorist,
men wit it yn de wrâld mar nea,
hoewol’t Osama rekke dea…
en sjoch, de jûnsloft kleuret read.