Dong

admin

oktober 24, 2016

Dong

’t Waard eartiids brûkt foar it ferfier
fan doarp nei stêd, deselde dei werom:
it beurtskip mei de wyn as enerzjy,
de deade fracht en libben fee yn ’t rom
en boppedat de dong.

Dochs bleau de âlde Friso jong,
perfekt yn steat en tsjinst foar ’t hege spul,
dat farre woe mei wyn as enerzjy;
gjin noed oer dong dy’t sûnder flauwe kul
yn ’t earst de mar yn gong.

De tiid ferrûn, naam soms in sprong
foarút, it like lykwols op werom:
it beurtskip, wol mei dong as enerzjy,
gjin deade fracht, mar libben fee yn ’t rom
dat oer de takomst song.