Goadegong

admin

oktober 21, 2016

Goadegong

Is ’t in wûnder dat ús foarfaars
leauden yn de sinne as de god
fan ’t ljocht yn har ûnwis bestean?
De sirkelgong besleat oer ’t lot
fan harren gong of deastil stean.

Alles wiisde nei de sinne,
rizend út ‘e dize fan de moarn
en ‘k leaude deastil yn de god
fan ’t wûnder dy’t, noch lang net stoarn,
fertelde fan syn draaiend lot.

Efkes tocht ik dat in poarte
noege om yn ’t strieljen op te gean,
mar ’t donker fan it beamteguod
feroare ’t sicht om te ferstean
dat ‘k stie en fluitsjend rûn ik fuort.

Traumatysk Gefoelsbylden