Hert foar Swette

admin

oktober 18, 2016

Hert foar Swette

It hat al wer net heve mocht,
de Swette as in baan by nacht
dêr’t flokkend fallen wurdt
en fierder om de streken socht
dy’t jouwe oan de helden macht,
it leafst mei ryp yn snor en burd.

Noch efkes ljochte ’t filmscript op
mei barre oeren nostalgy,
in keunstke foar it folk
as kompensaasje foar de strop
dat flokkend fallen wie finy
foar wite helden op ‘e Kolk.

De tiid is ryp foar streken grien
by ’t wetter fan de Swette lâns
dy’t lokjend leit al ree,
want witte moat no elkenien
dat nei de winter komt de kâns
foar ’t hert op rûte Middelsee.