Grûnferklearring

admin

oktober 17, 2016

Grûnferklearring

It stiet yn de Ferklearring fan de Minske
dat elkenien is foar de oar gelyk,
dus slacht it folk de wjukken út
en fljocht it boppe alle winsken
de skepping troch nei ’t fûgelryk.

It sit yn de Ferkleuring fan it Wetter,
de spoaren dy’t se lûke troch de tiid,
dus slacht dit folk de poaten út
yn rigen, want it wit net better
as dit gelyk giet wiid en siid.

It leit oan de Fersiering fan de Fearren,
de ien Jan Lul, de oare hege Pyt,
dus slacht er breed de flerken út
om ôf te jaan de Grûnferklearring
dat hy besjocht de wrâld swart-wyt.

Ballade fan Wûns Sjouwfeur