De haven wie dy fan Den Helder,
dêr’t De Winter*** joech it sein
om út te farren tsjin de Britten
mei de sege yn it brein
noch foar it earste sjitten.

De skotten dreunden oer de weagen
foar de frijheid fan de steat
en ’t ûnderstrûpen fan de Britten;
foar ‘De Vrijheid’ gie ’t ferkeard,
De Winter hat it witten.

De fice-admiraal moast sitte
by de Britten op it lân,
dy’t hearsken oer de measte weagen,
holden sa har steat yn stân
en frijheid klear foar eagen.

* Thomas Whitcombe (1763-1824)
Skilderij ‘Slach by Kamperduin’

*** Fice-admiraal op it skip ‘De Vrijheid’