Ninevé, Gods grutste stêd,
moast Jona troch yn trije dagen,
de wurden weagen op syn trêd
en leine swier op elke mage:

‘Fjirtich dagen en ’t is oer,
dan sil gjin minske langer beare,
want Ninevé hat west, gjin doer
foar jim, God sil de stêd omkeare!’

Elkenien wie doe ferslein,
de foarst siet sels yn sek en jiske,
de kear moast komme foar de ein,
’t gie ek om bern en ’t lytse bistke.

Jona hie syn taak folbrocht,
no moast de Iene dermei komme,
Dy seach yn Ninevé noch ljocht,
hat net foargoed de stêd ferdomme.

* Yllustraasje ‘Jona bringt it boadskip yn Ninevé’