Trochbraak

oktober 11, 2016

De nacht hie op ‘e taast
de trie spûn foar de dei
dat dy fertize lei
yn ’t keatling fan de dize,
want it tsjuster hat gjin haast.

De dei brekt út ‘e nacht
it keatling mei de die:
troch ’t weevjen fan de trie
mei sinneljocht ferlieze
stielen skeakels harren macht.

De sinne siket nei
har suske op ‘e taast,
se fynt de blom en maast
har strieljend hiel, ferwizend
nei de trochbraak fan de dei.

Recente berichten