Skeppingsfoarmen

admin

oktober 10, 2016

Skeppingsfoarmen

Ut ‘e hichte wei ûntstie
it paradys yn streken
foar de minsken, harmony
yn foarm en kleur, teken
fan in goddelike die,
mar sjoch, sy wiene leken.

Streken sloegen ticht, gjin paad
rûn fier, ferbrutsen foarmen
fan de groei nei eigen aard,
dat bûgde ûnder stoarmen
út ‘e swartste loften, haat
fan leken dy’t mar doarmen.

Ut ‘e gaos wei ûntstiet
de driuw om bleat te lizzen
wat noch skeppingsfoarmen biedt:
natuerlik keunstwurk dizze
âlde stobbe, krekt as hie
dy har noch wat te sizzen.