As in hûn

fan Joseph Stevens*

Gjin gewicht is swierder
as dat fan de maatskippij
dat drukt op smelle skouders;
as in hûn fielt hy de lêst…
kreakjend lûkt de dei foarby.

Sân wurdt yn de eagen
struid fan wa’t de karre triuwt
oer hobbelige paden;
as in hûn docht hy syn bêst,
wittend dat wat is, ek bliuwt.

Trije hûnen lûke
him mei lijen troch de tiid
om syn gerak te krijen;
as in hûn komt hy ta rêst
yn it tsjuster nei de striid.

* Joseph Stevens (1816-1892)
Skilderij ‘De sânman’