Leech godsbyld

fan ûnbekend*

‘Meitsje dy gjin byld,’
sa sei de god fan Israel,
‘in byld fan my seit neat
hoe’t ik nei wierheid bin,
elk byld leit my leech del.’

Israel naam skyld
en spear yn it beloofde lân,
sjit hjoed de dei mei tanks
op boargers net te min,
in byld út it ferbân.

‘Lit ús meitsje ’t byld
dat mei de Palestinen spot,’
woe Israels soldaat,
‘dat folk is ús te min,
wy byldzje út syn lot.’

Sjongend ha sy dield
minachting foar de lijenswei
fan ’t folk dat neat mear hat…
wat hat har god foar sin
as byld dat him leech leit.

* Yllustraasje ‘Arke as troan fan Israels god’