Eilân yn de stoarm

fan Ivan Konstantinovitsj Ajvazovski*

De Krim as eilân yn de stoarm
dy’t raasde troch de tiden,
swypkjend hege weagen op,
de rots draacht djippe spoaren,
lûd klinkt dei en nacht syn rop.

Ferlit it skip, kom fluch fan board,
de heechste weagen komme
der no oan en spiele oer
de dekken hinne, rinne fierder
oer it strân, de see is poer.

Mar is de Krim in feilich oard,
in rêstplak yn de brâning,
rotsfêst foar it fiskersfolk,
in romme haven yn de lijte
of is it oars: de Krim as kolk?

De Krim as eilân yn de stoarm
troch alle tiden hinne
weagjend fan de iene nei
de oare, tekens op ’e rotsen
tsjûgje fan in drege wei.

* Ivan Konstantinovitsj Ajvazovski (1817-1900)
Skilderij ‘Ein fan in stoarm op see’