Selfy foar de flecht

fan Jan Mankes*

Ik ha in selfy makke
mei de ûle op ’e hân,
dy’t wol wat fan my hat,
wy binne beide hjir ússels,
ik bin dy en do bist my…
ha wy ússels te pakken?

Do giest fansels nei tsjerke,
mar net foar in drege preek,
wol omdatst jongen hast;
ik bliuw yn tsjerke by mysels,
mei dyn flecht fiel ik my frij,
al driuwend op ’e flerken.

Gjinien krijt ús te pakken,
want wy ha it dreechste hân:
net nei ússels te sjen,
mar heech by oaren op te sjen,
ik sjoch dy en do sjochst my,
sa hawwe wy it makke.

* Jan Mankes (1889-1920)
 Skilderij ‘Selsportret mei ûle’