Mei de hân op it hert

fan Peter Paul Rubens*
fan Antoon van Dyck**

Se sizze ik ha de pretinsje
út te stekken boppe ’t folk,
se neame my in Grand Seigneur,
mar kom ik oer mei fleur yn kleur?

Ik mei der wêze as de skilder
dy’t foar pommeranten tolk
is, mar ik fyn dêr is neat mis
mei, ’t is no ienkear sa’t it is,

Tink net dat it my ûnferskillich
is hoe’t ik nei foaren kom,
ik bin no ienkear sa’t ik bin:
in bears mei noch in ekstra fin.

Dat witte ek kollega-skilders,
Antoon draacht by oan myn rom,
hy sette my op it portret:
sa is ’t… de hân ha ’k op it hert.

* Peter Paul Rubens (1577-1640)
Skilderij ‘Selsportret’

* Antoon van Dyck (1599-1641)
Skilderij ‘Portret fan Peter Paul Rubens’