Mei fleur yn it kryt

fan Gerard van Honthorst*

Hat hy te djip yn ’t gleske sjoen?
Wol nee, ’t bestean is net te djip
foar him, hy libbet op ’e flakte
fan wat er om him hinne sjocht
oant yn de lette jûn.

Hy hâldt fan ’t libben mei wat kleur
en mei sa no en dan in drip
en oeral tuskentroch in grapke;
Hy hâldt perfoarst syn paad wol rjocht,
it giet him om de fleur.

Gerdyn of is it in tapyt?
Hy komt der sjongend achterwei
mei yn de holle noch de klanken
fan syn fioele, dy’t er kocht…
hy stiet wol yn it kryt.

* Gerard van Honthorst (1592-1656)
Skilderij ‘De fleurige spylman’