Yn de kriem

fan James Ensor*

It kin net sûnder hannen
dy’t lûke foar de gong
nei wêr’t men wêze wol,
beweging sûnder sprong.

It kin net sûnder riemen,
ien stjoer, de oare bak,
sa bliuwt de boat op koers
en komt op ’t krekte plak.

Sjedêr de man mei hannen
dy’t lûke oan ien riem,
beweging sûnder doel,
hy komt sa yn de kriem.

It draaien yn de rûnte
is stilstean yn ’t bestean,
al skuort men der ek oan,
gjin koers nei kym noch kearn.

* James Ensor (1860-1949)
Skilderij ‘De roeier’