Fan goud nei jiske

fan William Turner*

It swarte goud is dold yn ’t tsjuster,
hise út ’e djipte wei,
it wurk fan grouwe kloeren,
like wurch as juster.

Te kostber foar de grouwe kloeren,
wurk jout waarmte dei en nacht,
it swarte goud giet fierder,
ek de nacht telt oeren.

Yn ’t ljocht fan fjurren en de moanne
lade kloeren skip nei skip,
it goud ferbrekt de stilte,
fier al fan de boarne.

It swarte goud sylt oer de weagen
foar ’t it opgiet yn it fjoer,
wat oerbliuwt is de jiske,
griis nei swart foar eagen.

* William Turner (1775-1851)
Skilderij ‘Nachts stienkoal lade’