Mooiwark

Mei beide earmen skean omheech
rôp hy omraak om sterke help
nei ’t stûkjen fan de tsjillen
yn de grûn, as maisfjild noch te leech,
it koe it swiere spul net tille.

’t Is hjoed de dei in spul fan neat:
technyk as trouwe boerehelp,
yn need ek goed te brûken,
gjin karwei is op it fjild te dreech,
it hynder hoecht net mear te lûken.

Mei mar twa tsjillen op ’e dyk
kin ‘Mooiwark’ wol de skeante oan
om breedút ôf te snijen
’t rûge spul; wat stean bliuwt, is gelyk,
egaler kin men it net krije.