Dûbel útsicht

fan ûnbekend*

Kom massaal nei Arcachon,
de stêd deunby de oseaan,
syn waarme Golfstream
soarget foar in myld klimaat,
dus folgje dokter syn advys:
‘Wa’t in krupsje hat,
fynt oan de kust grif baat.’

Lit de baai fan Arcachon
mei rêst, deunby de oseaan
groeit gers op wiete
grûn en soarget it klimaat
foar libben mei diversiteit;
folgje dit advys…
wa hat dêrby gjin baat?

Arcachon biedt útsicht op
natoer en sûnens by in kust
mei waarme weagen…
bliuwt dy in stabile maat?

* Foto ‘Baai fan Arcachon’