De fingers fan Fitz Roy

fan ûnbekend*

Wannear’t de hjerst de blêden
kleuret mei sabeare bloei,
dan stekt Fitz Roy de fingers op
as teken fan de iere winter:
‘Gjinien komt no noch op ’e top!’

Twa Frânske alpinisten
klommen yn de simmer nei
de top, Fitz Roy seach op har del,
mar koe de klimmers no net keare,
de hichte makke har net kjel.

Sa’n trijetûzen meter
heech , fan steile rots nei rots
gie ’t stadichoan de hichte yn,
Fitz Roy koe oars net as lûd beare,
harmoanysk mei de hurde wyn.

* Foto ‘Monte Fitz Roy yn Argentinië’