De kenners fan it minne waar
foarseine al wat komme soe
dyselde middeis op Langwar,
de rie wie dat it eins net koe,
it starten waard te bar.

In tongerbui briek bearend los,
de drippen kletsten op it dek
fan ’t âlde skûtsje fan Langwar,
wat ekstra doek wie lang net gek,
mar silen wie gjin kar.

In oere letter as normaal
gie ’t hiele fjild gewoan fan start,
ek ’t nije skûtsje fan Langwar,
mei mankemint hat dat him ward,
mar dochs wie ’t yn de war.

Doarp Grou besylde ’t earste plak,
as lêste wie Langwar de slak.