It waaide dat it rikke
op ‘e Pikmar en de Ie,
de iene skipper wist gjin rie,
de oare soe ’t him flikke.

Twa skûtsjes debutearren,
elkenien seach nei Langwar,
de Poep* kaam wer op poel en mar,
foarhinne heech wurdearre.

It skûtsje liet him rûke,
want de Poep lei earst foaroan,
mar foar de liuw wie ’t net bedoarn,
hy soe de stank ûntdûke.

De Pan siet mei syn izer,
foaroan âld en achter nij,
mar foaroan wie der net mear by,
as achtste de ferliezer.

* De Poep wie it skûtsje fan Jan Sietema,
ek wol Jan Poep neamd