Is de stoarm fan ’t striden oer,
dan wurdt it ljocht de loft yn hise,
dat it túchplan strielet yn de nacht
as stjerren boppe flat en toer,
behalve as it fljocht yn tizen.

Sjoch Doarp Huzum foar de toer,
gjin kampioen, mar dochs ferljochte
oant in stoarm kriich ’t túchplan yn de macht,
doe wie it stjerrestrieljen oer,
hoewol’t se foar plak trettjin fochten.

Foar de Pan wie rêst noch doer,
gjin kampioen, mar moannen letter
wol, dus blinkt er kleurich as in jacht,
dêrachter glimt de dûbeltoer,
ek noch ferdûbele troch wetter.