Ut it skûtsje-argyf 1962
De driuw om sels ’t metaal te bûgen,
liedt net ta in tweintich meter lang,
mar wat it each oan ’t grutte sjocht,
beskaaft de hân ta leger rang
mei oan de ein in plak op ’t droege.
![Image Image](http://www.tjerkstra.com/images/stories/deiboek2/ynternet100_6893.jpg)
Lit metaal no sels ris sprekke
fan it skûtsje fan ús heit
dat stiet as in nostalgysk feit
te blinken mei syn koper-dekken. 1)
![Image Image](http://www.tjerkstra.com/images/stories/deiboek2/ynternet100_6892.jpg)
Dat de Lemsters sulver joegen
oan de winner fan de striid,
dat skip wie foar de ivichheid
en blonk elk jier oer alle boegen. 2)
![Image Image](http://www.tjerkstra.com/images/stories/deiboek2/ynternet100_6911.jpg)
Mar de measte skûtsjes binne
sulver foar it skippersrjocht
dat sprekt fan nocht oan it gefjocht
en trije kear it silen winne.
![Image Image](http://www.tjerkstra.com/images/stories/deiboek2/ynternet100_6887.jpg)
Se kinne noch safolle bûge
nei it lytse fan gjin meter lang
fan sulver, koper of fan hout,
it goud bliuwt op ‘e earste rang:
it silen oer de lange boegen.
![Image Image](http://www.tjerkstra.com/images/stories/deiboek2/ynternet100_5697.jpg)
1) Makke troch Anne Tjerkstra
2) Makke troch firma Van der Meulen, De Jouwer |