It hoecht net mear

Ut it skûtsje-argyf 2013

It hoecht net mear, it is bekend,
de wetterpoarte kampioen,
dêr rekket Fryslân al oan wend,
acht kear hat Snits de wimpel wûn.

Mar wêrom net? In moaie moarn,
in skjinne loft foar sinneskyn,
de skûtsjes komme brûzjend oan
en op ‘e Snitser mar stiet wyn.

In moaie middei, want it waait,
al winsken skippers wol krêft fiif,
omdat de wyn dan minder draait
en sparret nekke, ek it liif.

It hoecht net mear, ’t gewear jout oan
de ein fan ’t wikseljend seizoen,
de Snitser wedstriid is ferstoarn,
Snits sels is lykwols kampioen.