Grouster blazers

Ut it skûtsje-argyf 2012

It lei net oan it baltend boatsjefolk,
oerdwealsk by ’t earste bûtenbarren
as fan âlds by Grou,
it blaasde wol, mar út ‘e wolk
kaam net de wyn foar ’t brûzjend farren.

It lei oan ’t ûnegale twirrewaar
dat earsten sakken nei de lêsten,
lykas ’t Hearrenfean,
de fjirtjin punten eagen raar
foar ien dy’t eartiids wie de bêste.

Mar as de wyn op Grou it sitte lit,
dan blaast it korps sa’t nea noch spile
is op Pik en Ie,
sadat in elk yn spanning sjit,
want dat is ’t Grouster skûtsjesilen.