Wat moat no sa’n kommisje
as it waar gjin útkomst jout?
Fan bûten rêstich,
mar fan binnen stoarmich:
is it wol of net fertroud?
Dan earst noch mar ris pisje.

’t Giet los, it kin wol lije,
mei in suchtsje fan de wâl,
de skûtsjes rêstich,
mar de skippers stoarmich,
dan, ynienen giet it mâl:
de wyn sil har net mije.

Mei wynkrêft fiif is ’t hâlden,
mar it kearen wol net mear.
Wa bliuwt noch rêstich
by in stoarm fan gjalpen?
Nimmen kriget hjoed de ear:
it einskot foar de moarden.