Kinne fjirtjin skûtsjes sile
sa’t de skipper ’t leafste wol?
De skoaten oan en frij derút,
it túch heint fol de wyn
en ’t skûtsje fart net yn in file.

Mar dêr giet it brûzjend hinne
nei de boei, de fierte yn,
dochs elk is bûn oan ’t selde punt,
it frije is derút,
se moatte no de regels kinne.

Bakboard, stjoerboard, hear it klotsen,
roppen, razen, grutte snút:
‘Dêrwei, ’t giet mis, lit los, protest!’
‘It wurdt ús wer net gund!’
De klap komt oan, om fan te kotsen.