Willem Tjerkstra’s thússide
admin

Radar fan Watson-Watt

Skiednisbylden

fan ûnbekend*

Hjir stiet er foar syn apparaat,
dat gjin striel ferstjoert dy’t deadlik is,
sa’t Dútsers bearden oer har tastel;
dit apparaat heint weagen op,
dat posysjes komme op ’e kaart.

De bliksem hearrend by in stoarm
stjoert sinjalen út as weach nei weach,
dy’t Watson heinde mei syn tastel;
sa kaam dy stoarm net ûnferwachts,
want it apparaat sloech grut alarm.

De Dútsers kamen troch de loft,
wisten fan gjin deadlik apparaat
dat weagen heinde fan har tastel;
foar’t bommen foelen op ’e stêd,
skeat de loftôfwar op hiel dy kloft.

* Foto ‘Robert Watson-Watt
en de triomf fan de radar’



Related Posts

Archieven

Zoeken

  • Categorie

  • Datum