Pearl Harbor

fan ûnbekend*

In haven as in pearel,
deis blinkend yn  it fjoer
dat strielet út ’e kosmos wei;
de float lei feilich yn de earms
fan mem… wa stie noch oan it roer?

Wa’t delkaam wie in keardel
nei’t hy syn bommen brocht
hie op it plak dat earder blonk
troch ’t fiere fjoer, ynienen wie ‘t
tichtby… ûnwêzentlik it ljocht.

Hy wie net mear fan wearde,
de pearel yn it fjoer
dat lôge troch de oarlochsfloat;
de memme-earm wie fierste koart,
sy gûlde… mei har soan wie ’t oer.

* Foto ‘Oanfal fan Japan op Pearl Harbor’