Imperial Hotel op beton

fan ûnbekend*

Wêr wie in arsjitekt te finen
dy’t sa bouwe koe dat nei in skok
’t gebou net falt, mar inkeld swaait?
Net yn Japan, mar oer de oseaan:
boumaster Frank Lloyd Wright.

Hy liet syn ljocht oer ’t weagjen skine
fan de ierde, foar Japan in flok,
om’t mannich bouwurk samar leit
as fûle skokken tsjin de muorren slaan,
dus freegje Frank Lloyd Wright.

It antwurd wie: ‘Betonnen peallen
moatte romte krije yn de grûn,
’t gebou swaait dan as wie it reid.’
Sa kaam ’t Imperial Hotel ta stân
fan tinker Frank Lloyd Wright.

Syn tinken koed er goed fertelle,
kaam yn byld as geve plattegrûn;
’t gebou ferriisde, wie ’t bewiis
dat fûle skokken ha gjin ynfloed hân…
sa wie syn tinken wiis.

* Foto ‘Imperial Hotel te Tokyo’