Gjin tsjinsin

admin

oktober 16, 2016

Gjin tsjinsin

fan Pierre Narcisse Guérin*

‘Wit dat dit folk fynt inkeld sin
yn Allah en Mohammed, syn profeet,
sprek dizze lju net tsjin,’
sa spriek Napoleon;
’t wie foar de wittenskip in weet,
fergetten waard de muonts en non.

De wittenskippers foeren mei
foar piramide, sfinx en tekenskrift;
Kaïro joech gjin kaai,
mar wurke fjurrich tsjin:
it folk fan Allah, op ‘e drift,
socht yn geweld de heechste sin.

De Frânsman sloech de opstân del
en bûn de Mamelukken oan it tou,
spriek har doe freonlik ta:
‘Gjin swurd en sels gjin sel,
jim meie nei de bern en frou,
want tsjinsin moatte wy net ha.’