Freud en Hitler

fan ûnbekend*
fan ûnbekend**

Wie Eastenryk him wol bewust
wat ûnbewust yn Hitler spile?
De drift dy’t him nei boppen dreau
om del te sjen op minsken ûnder
him, dat wie syn lust en libben.

Dus wie hy boppe wol bewust
oan ’t stribjen nei it allerheechste,
oer grinzen hinne fan it ryk
dat him it neiste stie om sûnder
striid de ‘Anschluss’ op te lizzen.

Freud sleat him net by Hitler oan,
wie him bewust fan wat der spile
yn ’t ryk fan Hitler, dat hy bleau
net yn de stêd dêr’t hy foar wûnder
spile hie mei ’t ûnbewuste.

* Foto ‘Adolf Hitler’
* Foto ‘Sigmund Freud’