Willem Tjerkstra’s thússide
admin

De twadde Hindenburg

Skiednisbylden

fan ûnbekend*
fan ûnbekend**

Hy moast de allergrutste wurde,
want Hindenburg wie fjildmaarskalk
en letter ek noch presidint,
foar Hitler koe it ek net lytser:
in reus foar hiel it nazi-folk.

Foar ’t loftskip wiene amper wurden:
’t foer as ‘Titanic of the sky’
fan Dútslân nei Amearika
en ek nei Rio de Janeiro,
it makke mannich lange reis.

It wetterstof joech ’t skip de draachkrêft
foar tsjin de hûndert lju oan board,
dy’t sweefden yn in loftpaleis,
dat transformearre ta in fakkel…
foar Hitler hat de reus net scored.

Hy waard troch ’t fjoer de allerlytste,
der bleau allinnich jiske oer
fan de ‘Titanic of the sky’
en ek fan fiifentritich minsken…
de twadde fal fan Babels toer.

* Foto ‘Hâlden en kearen mei de Hindenburg’
** Foto ‘De ûndergong fan de Hindenburg’

Related Posts

Archieven

Zoeken

  • Categorie

  • Datum