juli 4, 2024
fan Francisco de Goya*
Sy stiene foar in grut dilemma
doe’t hy in seare mûle kriich,
want beide woene noch net kwyt
wat by it minsklik lichem hearde,
mar wa woe pine ha by elke byt?
Dus moasten sy úteinlik kieze:
de kies derút, wat efkes sear
die of de jierren troch noch lêst;
hy bleau it leafst stean foar ’t dilemma,
sy pakte troch, hold oan har stânpunt fêst.
Sy stie earst fêst op beide fuotten,
de seare kies hie sy stiif fêst
en skuorde ta, kaam sels yn noed,
hie dus in doekje foar it blieden,
want beide koene ek mar min oer bloed.
* Francisco de Goya (1746-1828)
Yllustraasje ‘De toskejacht’
Print 12 út ’e searje ‘Los Caprichos’
juli 3, 2024
fan ûnbekend*
Daniël
De namme Daniël seit al:
myn rjochter is de Heare;
mei syn trije freonen
hold hy ’t joadske libben fol.
Sy wegeren it rike miel
en ieten inkeld griente,
dronken wetter, namen
net oan Babelsk oerfloed diel.
De fraach wie: bleauwen sy wol sûn
of kamen sy de kening
ûnder eagen lykas
lijers oan it kweade bûn?
De kening wie de rjochter net,
koe harren dus net keare:
geast en lichem wûnen,
hawwe ’t mei Gods stipe ret.
* Yllustraasje ‘Wegering fan Babelsk miel’