juli 12, 2024
fan ûnbekend*
Daniël
Nebûkadnessar as god-kening
koe net leauwe wat er seach:
‘Ha wy net trije yn de oven wijd
yn plak fan fjouwer dy’t dêr rinne?
De fjirde liket op in goadesoan!
Kom Sadrak, Mesjak, Abednego
daliks út it lôgjend fjoer,
jim binne tsjinners fan de heechste God,
bliuw dêr net rinnen, kom hjirhinne,
ik sjoch de mantels hawwe jim noch oan!
Jim God is heger noch te priizjen
as mysels as kening-god,
Hy hat syn ingel yn de oven stjoerd,
sadat jim fierder libje kinne,
jim hoege net te bûgen foar myn troan!
Oan alle naasjes jou ik oarder:
lis de heechste God net leech
fan Sadrak, Mesjak, Abednego, want
dy spotter sil net langer rinne,
hij giet mei brutsen lea der seker oan!’
* Yllustraasje ‘Sadrak, Mesjak en Abednego
mei de ingel yn it fjoer’
juli 10, 2024
fan ûnbekend*
Daniël
Sadrak, Mesjak, Abednego,
trije tsjinners fan de foarst,
dy’t as Judeeërs yn God leauden,
foelen net foar ’t gouden byld,
wat út Babelsk eachpunt moast.
Doe fertsjusteren de eagen
fan de kening en syn lûd
kaam oer as tonger nei in hjitte
rite, mar it leauwe joech
út Judeeërs eachpunt moed.
Sân kear hjitter as gewoanwei
lôge yn de oven ’t fjoer
foar Sadrak, Mesjak, Abednego
dy’t, bebûn yn eigen klean,
joegen har oan Gods help oer.
* Yllustraasje ‘Wegering fan
Sadrak, Mesjak en Abednego’