augustus 26, 2024
Hy kleuret yn de griene wrâld
syn stal opfallend rôze
en fynt hy mei der wêze,
ek al krijt er minder loas.
Hy stribbe sels syn frijheid nei
allinnich tusken ’t grien,
hy mocht der earst net wêze,
mar hat rôze syn mantsje stien.
Syn pine is noch lang net oer,
want donkergrien lit him
noch altyd minder wêze,
dochs begjint er oan syn klim.
augustus 25, 2024
fan ûnbekend*
fan ûnbekend**
Se binne deagien yn in wike,
trije lieders yn de kriich,
dy’t withoefolle ’t libben koste,
trije lieders wisten fan dy moard:
Benito Mussolini,
Adolf Hitler,
Franklin Roosevelt.
Dy wike telde trije liken:
Mussolini kriich in skot
en Roosevelt in harsenblieding,
Hitler regele syn eigen moard;
Benito Mussolini,
Adolf Hitler,
Franklin Roosevelt,
sy wisten fan ’t massale lot.
De wrâld wist lykwols fan gjin wiken,
jierren folgen mei de bou
fan ûnderkommens foar de riken,
wylst wa’t earm wie, fielde ’t as in moard;
Benito Mussolini,
Adolf Hitler,
Franklin Roosevelt.
sy wisten fan massale rou,
’t ferskil: twa wiene mei de moard akkoart.
* Foto ‘Benito Mussolini
** Foto ‘Adolf Hitler’
