Willem Tjerkstra’s thússide
admin

september 23, 2016

Bruorretút

Bibelbylden
PDF Print E-mail
fan Francesco Hayez*

Withoefolle jierren út elkoar,
sa breed wie tusken broers de kleau
as ’t stellen fan de heiteseine;
Jakob rûn noch yn dat âlde spoar,
seach net hoe’t nije wegen leine.

Withoefolle fee gie him foarút,
fergoeding foar ’t slûchslim bedroch
om Ezaus berterjocht te stellen;
Jakob seach syn libben al as bút,
nea soed er al syn fee wer telle.

Image

Froulju mei de bern deun achter him,
har stipe yn de rêch, ’t gesicht
nei foaren om syn broer te moetsjen,
wat er seach as djoere bruorreplicht…
stie Ezaus antlit op begroetsjen?

Folle net genôch fan Ezaus kant
mei earmen om syn twillingbroer,
in tút en dêrnei ryklik triennen;
’t âlde spoar gie yn it nije oer
en sa koe Jakob fierder rinne.

* Francesco Hayez (1791-1882)
Skilderij ‘Moeting fan Jakob en Ezau’
admin

september 23, 2016

Brêge

Lyrysk Deiboek
PDF Print E-mail
De spanning tusken wei en wetter,
it is de brêge dy’t beslist:
de skipper rekket soms wat letter,
de rider dy’t minuten mist.

De iere moarntiid mei twa brêgen,
dy’t riisden út ‘e ticht mist,
gjin spanning oer dy beide rêgen,
it wie no ienkear sa beslist.

Image

De ien oerbrêge ’t stille wetter,
sa tusken spoar en skoallen yn,
fan brún nei wyt, wat eaget better
foar bern dy’t binne moarntiidsblyn.

De oare, dêr’t in gat yn gappe
as trochgong foar de baggerbak,
gjinien koe dêr oerhinne stappe,
it mist net: rin dan op gemak.

Image

Recente berichten

Archieven

Categorieën

Zoeken

  • Categorie

  • Datum

Meta