fan Jan van Eyck*

De hân dy’t tilt as wurk de guozzefear,
leit tsjin de oare, meditearjend gear
skean boppe ’t berteblêd fan ’t hillich boek
dat freget earbied, knibbels yn in hoek;
sa bidt Rolin, yn ’t libben kânselier,
hjir tilt er swier syn siele fan de flier.

fan Rogier van der Weyden**

Mar dan de man mei ’t stoere kin
dy’t eaget fier de fjilden oer,
hy hat it ierdske doel yn ’t sin
fan heger sjitte op ‘en doer;
no Ridder fan it Gouden Flues,
dochs letter is ’t paleis syn thús.

En hy, noch mar in jonge,
leit op knibbels mei in stien
om handich del te lizzen;
hy hat syn tophit songen
ûnder ’t fluorjen nûmer ien,
wat sil er mear noch sizze?

* Jan van Eyck (foar 1392-1441) skildere yn 1435
‘De Madonna mei kânselier Rolin’.

** Rogier van der Weyden (sirka 1400-1464)
skildere sirka 1456 ‘De man mei de pylk’.