Tink net, it is in Fryske saak,
soks kostet enerzjy,
want wrâldwiid hearskje de problemen
dy’t freegje om in goede rie
as antwurd… aksje yn de maak.

Fiel wyn en sinne op ‘e hûd,
dan komt men yn de wrâld op stoom
en brekt de minske troch systemen,
sjocht yn de takomst gjin fantoom,
dy’t sûget út elk hert it bloed.

Dan komt de stoomboat út ‘e mist
en draait de motor op ‘e wyn,
gjinien kin noch de wierheid claime,
swart giet mei wyt de skoarstien yn
en beide witte dan: sa is ’t!

Robinsons fruitshoot hat neat jûn,
want feintsje Freed wie donker kleurd,
in swarte feesthûd is net sûn,
dus wie in blanke oan de beurt.

Sjedêr, it is ferkeard beteard,
want knuffel Sneon, ’t is net oerdreaun,
wie raar ferslein, kaam yn de feart,
mar is troch ’t hier wol driuwen bleaun.

Syn maat stiet te laitsjen,
want swart stiet him goed,
men kin him neat meitsje,
want read is syn bloed,
syn knuffel moat tanke
foar wer enerzjy
en Pyt sil swart blinke
sa’t hy altyd die.