Tarquinius

fan ûnbekend*

Tarquinius as ymmigrant
hie grutte aspiraasjes,
dêryn waard er stipe troch syn frou:
‘Do wurdst fan frjemdling Romes foarst,
de tekens binne navenant.’

Tegearre gie ’t op Rome ta,
doe’t ûnderweis in earn syn
hoed meinaam en him dy ek wer brocht,
in teken dat er kening waard,
dy fûgel woe it sa ek ha.

Der woene mear graach op ’e troan,
de ymmigrant waard lykwols
kening, dy’t it folk brocht wat it woe:
in goede rie, dêrby de die,
dy beide spriek de minsken oan.

By ’t keningspear kaam ek in bern,
in slavesoan, sa waard der
sein, de styfheit woe him op ’e troan;
wa’t earder woene, spilen op,
dat spul waard troch de foarst ferlern.

Tarquinius as ymmigrant,
dy frjemdling rekke raar fan kant.

* Yllustraasje ‘Tarquinius en de earn’