Korona-rekord

It is foarby, it seil is strutsen
nei’t de skipper wie besmet
mei ’t firus fan it silen
yn simmerwaar en -wyn,
in dubieus rekord is brutsen.

Gjin twivel oer it ôfstân hâlden,
want Korona’s wil wie wet,
dus foar de wyn gjin file:
in wedstriid wie ferbean,
dat skippers waarden net ferkâlden.

Korona woe it leafst sels winne,
soarge foar in nij rekord:
in jier net wedstriid sile,
dêr foer er fûl op yn,
de skipper fielde him allinne.