Goed Freed foarby

oktober 18, 2016

In dei wie al tefolle,
frjemd genôch hjit dy Goed Freed
foar al it wrâldske kwea;
in toarnkroan op ‘e holle,
spikers holden Him dêr beet.

Hjir hinget Hy al jierren
foar it libben, sels foar dea,
fan kâld nei hjit, fan keal
nei rôze en flokt fan fierren
mei de bloei fan ’t maitiidsgrien.

Lykwols, hjir ien mei liken,
liket Hy wol op syn plak,
mar nee, syn stiennen lea
dy sille hjoed noch wike
foar it libben op sêft flak.

Recente berichten